Ōtairongo

Te Ringa Tārai

Ko Maree Sheehan nō Ngāti Maniapoto, Waikato, Ngāti Tūwharetoa, Raukawa me Ngāti Tahu-Ngāti Whāoa. He wahine whai tohu, he mātanga tārai pūoro a Maree, he kaitito hoki kua whakaputaina e ia ētahi kōpaepae pūoro mō ngā kiriata me te kanikani me ētahi atu mea. 

Ko te Wero

Ko te whāinga hei hoahoa i tētahi whakakitenga mō Ōtairongo: he whakakitenga tuatahi o te ao, he whakaaturanga takitahi nā Sheehan hei torohaki i ngā pae toi Māori nō āianei. Ko tā te whakaaturanga wawata he whakamāori, he whakatinana hoki i ngā ōwehenga huna o te tuakiri mana wahine mā te whakaahua pāorooro e wheakohia ana i te wao o Hine Raukatauri. 

Mā te whakamahi anake i ngā tikanga pāorooro i mau i te wairua me te mauri o ngā wāhine Māori tokotoru nei: ko Tākuta Te Rita Papesch, ko Moana Maniapoto ko Ramon Te Wake. Ehara i te mea he uiui māmā, he pakiwaitara noa iho, he mea mahi nā tēnei whakaaturanga ngā hangarau hopu pūoro hautangirua hei whakakotahi i te kōrero, te waiata, te marae, te whānau me te whenua kia waihanga he wheako pūoro 360 putu. Ka whakaaturia i te pōuriuri hei hiki i te pūkenga whakarongo me te wero hinengaro mō te pēhea e whakaarohia ai, e whakaaturia ai te wahine Māori.

Tyrone Ohia, FDINZ Extended Whānau

Ko te Otinga

Ko tā Extended Whānau tikanga kia waihanga i tētahi whakaahua ataata hei urupare ki te whakaahua pāorooro. Ko tēnei urupare ko tētahi tikanga ataata toa mō te whakaaturanga nei. 

Nā rātou tētahi whakaahua nō āianei i waihanga i whakaawetia ai e Hine Raukatauri, te poutiriao o te pūoru pūtorino.

He nui ngā momo whakaahuatanga o te ao Māori. I te taiao he pepe a Hine Raukatauri. I ngā toi Māori tūturu ka whakaata mai tōna raukatauri i te pūtōrino. Ka whakatangihia te pūtōrino ka huakina he tatau ki te ao wairua e rongohia ai te reo o Hine Raukatauri. 

Ka hopukia te tōrua o te wairua me te hangarau i tētahi whakaahua mauroa kotahi: ka tū tētahi wahine ki waenganui e tāwhirowhiro i ētahi RAMA hei waihanga i tētahi whakaaturanga 360 putu e awhitia ana ki tētahi raukatauri aho. 

E āta tōpū ana te whakahua me tētahi momotuhi māmā puta noa i ngā rauemi whakaatu tae atu ki ngā pānui, ngā kāri, ngā rārangi taonga, ngā mātārere puka me ngā tohu whakaaturanga hoki. 

 Hei urupare ki te Mate Korona-19 i hoahoa hoki i tētahi Ōtairongo wheako ā-ipurangi nei hei koha mō ngā wā rangirua o te noho taratahi. Mā reira ka whai wāhi te tangata ki te wheako i ngā whakaahua pūoro a Moana, a Te Rita, ā Ramon anō hoki. Kia kawea te tangata ki te ao o ō rātou reo, ō rātou whānau me ngā pūoro o ō rātou whenua kia rongo ā-taringa, kia rongo hoki ā-ngākau i te mauri o ēnei whakaahua.

Ngā kupu a ngā Kaiwhakawā 

He whakaaro Rangatira nei, mā te honohono māmā o ngā mahi kapahaka, ngā kōrero paki me te tango whakaahua o āianei ka ora ake anō te kōrero mō Hineraukatauri me tōna raukatauri o roto o tētahi wheako tairongo nunui. Ko te raranga māmā o ngā toi hei kōkiri i te toi Māori nō nāianei mā te wheako whaitake me ngā mahi hoahoa o āianei. Koinei tā tau toi nei.